सोडारी र बुढाथोकी राज्यमन्त्रीमा नियुक्त
धनगढी / सुदूरपश्चिम प्रदेश सरकारमा दुई जना राज्यमन्त्री थपिएका छन् ।
अछामबाट निर्वाचित प्रदेश सभा सदस्य बलबहादुर सोडारी र कैलालीका समानुपातिकतर्फका प्रदेश सभा सदस्य शुशिला बुढाथोकी राज्यमन्त्री भएका हुन ।
नेकपा (एकीकृत समाजवादी) का तर्फबाट सोडारीलाई आर्थिक मामिला तथा योजना र बुढाथोकीलाई भौतिक पूर्वाधार विकास राज्यमन्त्रीमा नियुक्त गरिएको छ ।
मुख्यमन्त्री त्रिलोचन भट्टले सोडारी र बुढाथोकीलाई शुक्रबार साँझ सपथ ग्रहण गराए ।
आर्थिक मामिला तथा योजना राज्यमन्त्री अमरबहादुर साउदको ठाउँमा सोडारी र हालै एमाले गएका कुलवीर चौधरीको ठाउँमा बुढाथोकीलाई राज्यमन्त्री बनाइएको हो ।
