डडेल्धुरा अस्पताललाई मेडिकल कलेजका रुपमा विस्तार गरिदै
धनगढी / नेपाल सरकारले डडेल्धुरा उपक्षेत्रीय अस्पताललाई मेडिकल कलेजका रुपमा विस्तार गर्ने भएको छ ।
मन्त्रीपरिषद्को गत १० गते बसेको बैठकले डडेल्धुरा अस्पताललाई मेडिकल कलेजका रुपमा अगाडि बढाउने निर्णय गरेको जनाइएको छ । सो मेडिकल कलेज सुदूरपश्चिम विश्वविद्यालय अन्तर्गत रहने पनि जनाइएको छ ।
मन्त्रीपरिषदको निर्णयमा भनिएको छ– स्वास्थ्य तथा जनसंख्या, शिक्षा, विज्ञान तथा प्रविधि मन्त्रालय र सुदूरपश्चिम विश्वविद्यालयबीचको समझदारीबाट सुदूरपश्चिम विश्वविद्यालय अन्तर्गत अस्पतालको स्वामित्व नेपाल सरकारमै रहने तथा डडेल्धुरा अस्पताल नै आधार संकाएका रुपमा विकास हुने गरी मेडिकल कलेज स्थापना गर्न स्वास्थ्य मन्त्रालयको समन्वयमा शिक्षा मन्त्रालयले प्राथमिकता साथ अघि बढाउने ।
प्रतिष्ठानका रुपमा विकास गर्न भन्दै स्वास्थ्य मन्त्रालयले प्रस्ताव लगेको थियो । तर, मन्त्रिपरिषद्ले स्वास्थ्य विज्ञान प्रतिष्ठान स्थापना गर्ने सम्बन्धमा ऐनद्वारा व्यवस्था भएपछि सोही बमोजिम जनाएको छ । हाललाई मेडिकल कलेजको रुपमा अगाडि बढाउने सरकारले जनाएको छ ।
