कृषि पेसामै रमाउदै

धनगढी । उनले व्यवसायिक कृषि पेसा सञ्चालन गर्न कृषि विषयमा जेटिए पढे । २०६५ सालमा पढाई पुरा गरेपछि उनी कृषि पेसामा संलग्न भए । तर, शुरुका वर्षमा बाढी तथा डुवानका कारण उनको कृषि पेसा सफल हुन सकेन । उनी केही हतोत्साहित भए । त्यसपछि उनले चार जना साथीहरु मिलेर तरकारी खेती गरे, तर त्यो पनि सफल भएन ।

धगनढी उपमहानगरपालिका वडा नम्बर ९ बंगरामा ‘थारु होमस्टे’ सञ्चालन गरिरहेका दिनेश चौधरीले दुई पटक कृषि पेसामा असफल भएपछि अर्को पेसा रोजे । उनले २०७३ साल भदौमा होमस्टे सञ्चालनमा ल्याए । होमस्टे सञ्चालन गरेको चार वर्षपछि उनी पुनः कृषि पेशामा फर्केका छन् ।

उनी भन्छन्– कृषि पेशामा फर्किन त मन थिएन, तर अहिले त्यही पेशाले सफल बनाउ“छ भन्ने आशा लिएको छु ।
कोरोना भाइरस रोकथाम र नियन्त्रणका लागि नेपाल सरकारले लकडाउन जारी गरेपछि उनको होमस्टे बन्द भएको थियो । उनले भने– लकडाउनको सदुपयोग कसरी गर्ने भन्ने सोचे, अनि कृषि पेशामा फर्किए ।
उनले अहिले तरकारी खेतीसंगै रातो केरा खेती र ड्रागन खेती गरेका छन । उनले भने–ड्रागन खेतीका लागि चार वोट लगाएको छु । यो सफल भए विस्तार गर्ने सोच बनाएको छु ।
उनले दुई कठ्ठामा रातो केराको व्यवसायिक खेती थालेका छन् । यस्तो केरा खेती कैलालीमै पहिलोपटक सुरु गरिएको हो । यो केराको बोट र फल दुवै रातो हुन्छ ।
‘पहिलो पटक रातो केरा पनि परीक्षणका रुपमा लगाएको छु’, चौधरीले भने, ‘बाहिरबाट ल्याएर टिस्यु कल्चर प्रविधिबाट उत्पादन गरेको हु“ ।’ उनले रोपेका रातो केरा खेती सफल होला भन्ने आशामा छन् । ‘बोटहरु राम्रैसंग उम्रिएका छन् । फल कस्तो दिन्छ त्यो हेर्न बा“की छ’ उनले भने ।
रातो केराको बोट सामान्य केराको जस्तै भए पनि ‘जी नाइन’ र ‘विलियम हाइब्रिड’ को तुलनामा यसमा दुई महिना ढिलो फल लाग्छ ।
कृषिविज्ञका अनुसार रातो केरामा भिटामिन र मिनरलको मात्रा बढी हुन्छ । चिनीको मात्रा अत्यन्त कम हुने हुनाले यो रातो केरा मधुमेहका बिरामीका लागि बढी उपयुक्त हुने मानिन्छ । रातो केरामा सोडियम तथा कोलेस्ट्रोल हुदैन भने म्याग्नेसियम तथा प्रोटिन पर्याप्त मात्रामा पाइन्छ ।
उनले परीक्षणका लागि रातो केरा र ड्रागन खेतीका साथै व्यवसायीक तरकारी खेती पनि शुरु गरेका छन् ।
सरकारले चैत ११ गतेदेखि लकडाउन जारी गरेको थियो । लकडाउनपछि एक महिना उनको सुत्ने, खाने र सामाजिक सञ्जालमै झुम्मिनमा वित्यो । वैशाखको दोस्रो सातातिर उनी घुम्दै बारीतिर पुगे । उनले भने– बारी हेरे बा“झै देखे । अनि बैशाख १५ गते परिवार लिएर बा“झो खेतमा तरकारी खेती गर्न शुरु गरे ।
उनले सुरुमा केरा लगाए । बीचको खाली ठाउ“मा लौका, करेला, बोडी, भिन्डी, चिचिण्डा, का“क्रा । तरकारी उत्पादन सुरु भइसकेको छ । उनी भन्छन्, ‘तरकारीले केराखेतीको लगानी असुल भइसकेको छ, अब केराबाट फाइदा हुनेछ ।’
उनले विषादीरहित तरकारी र फलफूल खेती गर्ने उद्देश्यले दुई बिघा जमिन लिजमा लिएको बताए । उनले मासिक तलबमा दुई जना कामदार राखेका छन् । त्यहा“ परबल, बिन, सिमलामिर्च, मेवाखेती गर्ने तयारी छ । उनी फलफूल र तरकारीमा गोठेमल, निम, लसुन, खरानी प्रयोग गर्ने बताउ“छन् ।
दिनेशले भने– गाईगोरुको पिसाब, गोबर, कुखुराको सुलीले तरकारी र फलफूल खेती फस्टाउ“छ । त्यहा“ उम्रेका घा“स गाईगोरुको आहारा हुन्छ भने बारीमा आउने किराफट्यांग्रा कुखुराका आहार बन्छ ।