पहिरोका कारण भिमदत्त राजमार्ग अवरुद्ध

धनगढी । पहिरो खस्दा सुदूरपश्चिमका सात पहाडी जिल्ला जोड्ने मुख्य राजमार्ग भिमदत्त राजमार्ग अवरुद्ध भएको छ ।

बिहिवार बिहान ३ बजे देखि राजमार्ग अवरुद्ध भएको हो । राजमार्ग अन्तरगत डडेल्धुराको गन्यापधुरा गाउपालिका–१ शाहुखर्कमा पहिरो खस्दा राजमार्ग अवरुद्ध भएको जनाइएको छ ।

राजमार्गमा माथी बाट पहिरो खसेको छ । राजमार्ग सुचारु गर्न बिहानै देखि डोजर प्रयोग गरिएका छन । ठुला ठुला ढुङ्गा सहित राजमार्गमा पहिरो खसेकाले सुचारु हुन अझै समय लाग्ने जनाइएको छ । राजमार्ग अवरुद्ध हुदा हजारौ यात्रु संगै मालवाहक ट्रक शाहुखर्क वरपर रोकिएका छन ।