ट्रककाे ठक्करबाट हबल्दारकाे मृत्यु
कञ्चनपुर । पूर्वपश्चिम राजमार्ग अन्तर्गत कञ्चनपुरको बेदकोट नगरपालिका–१ चम्फापुरमा आइतबार ट्रकको ठक्करले प्रहरी हवल्दारको मृत्यु भएको छ । प्रहरीचौकी झोलुंगेमा कार्यरत प्रहरी हवल्दार रामबहादुर विष्टको घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ ।
प्रहरीका अनुसार महेन्द्रनगरबाट झलारीतर्फ गइरहेको से १ क १४०६ नम्बरको ट्रकले विपरीत दिशाबाट आइरहेको लु १२ प ५१५ नम्बरको मोटरसाइकललाई ठक्कर दिँदा विष्टको मृत्यु भएको हो । जिल्ला प्रहरी कार्यालय कञ्चनपुरका डिएसपी अमरबहादुर थापाले चालक र ट्रकलाई नियन्त्रणमा लिइएको बताए ।
