सुदूरपश्चिम प्रदेश सभाको बैठक छैठौ पटक स्थगित
![](https://i0.wp.com/www.anumodankhabar.com/wp-content/uploads/2020/07/107392843_193956708712186_682183077320884667_n-768x432.png?resize=600%2C337&ssl=1)
धनगढी । सुदूरपश्चिम प्रदेश सभाको छैठौं अधिवेशनको २२ औं वैठक स्थगित गरिएको छ ।
सोमबार दिउँसो ३ बजे आह्वान गरिएको बैठक सूचना टाँसेर स्थगित गरिएको हो ।
सुदूरपश्चिम प्रदेशका सभामुख अर्जुनबहादुर थापाले सरकार र प्रतिपक्षीबिच वार्ताका लागि छलफल भइरहेकाले बैठक स्थगित गर्नुपरेको बताए ।
उनले अर्को बैठक मंगलबार दिउँसो ३ बजे आह्वान गरिएको जानकारी दिए ।
आईतबार प्रतिपक्षी दलको नाराबाजी र विरोधका बिचमै सभामुख थापाले आर्थिक वर्ष २०७७/७८ को छलफलमाथिको प्रस्तावलाई निर्णयार्थ पारित गरेका थिए । सोमबार सरकारले प्रतिपक्षी दलहरुसंग छलफल गरिरहेको छ ।