कैलाली क्षेत्र नं. ४ मा वलायर विजयी
धनगढी / कैलाली क्षेत्र नं. ४ बाट गठबन्धनका उम्मेदवार नेपाली कांग्रेसका सुदूरपश्चिम प्रदेश सभापति ५७ वर्षीय वीरबहादुर बलाएर प्रतिनिधि सभा सदस्यमा विजयी भएका छन् ।
बलायरले २६ हजार १७१ मत पाएर विजय हाँसिल गरे । उनका निकटतम प्रतिद्वन्दी नेकपा (एमाले) का केन्द्रीय सचिव तथा सुदूरपश्चिम इन्चार्ज लेखराज भट्ट २२ हजार ५८७ मत पाएर पराजित भए ।
विगतमा डोटीबाट चुनाव लड्दै आएका बलायर यसपटक कैलालीबाट उम्मेदवार भएका थिए ।
यसअघि, बलायरले २०७० को संविधान सभाको निर्वाचन डोटीबाट जितेका थिए डोटीबाट जीतेपछि उनी मन्त्री पनि भएका थिए ।
पराजित हुनु भएका भट्टले भने कैलाली ४ बाटै २०६४ र २०७४ को निर्वाचन जितेका थिए । २०७० को निर्वाचनमा उनी नेपाली कांग्रेसका दीर्घराज भाटसंग पराजित भएका थिए ।
नेता भट्ट २०६४ पछि पटकपटक मन्त्री भइसकेका छन् । भट्ट २०४८ मा पनि तत्कालिन संयुक्त जनमोर्चाबाट चुनाव उठेर पराजीत भएका थिए ।
