बूढीगङ्गामा एमालेको अग्रता अझै बढ्यो
बाजुरा / बाजुराको बुढीगंगा नगरपालिको जारी मत गणनामा नेकपा (एमाले) ले आफ्नो अग्रता अझै बढाएको छ ।
शनिबार प्राप्त पछिल्लो विवरण अनुसार मतको गणनामा एमालेबाट नगरप्रमुखका उम्मेदवार रामबहादुर बाँनिया काँग्रेसका रंगबहादुर खाती भन्दा ११५२ मतले मतले अगाडि छन ।
एमालेका बाँनियाले २४४३ र काँग्रेसका खातीले १२९१ मत पाएका छन् ।
यस्तै उपप्रमुखमा पनि एमालेकै माया कुँवर अगाडि छन् । उनले २४१७ र काँग्रेसका रिता शाहीले १३१२मत पाएकी छन् ।
नौ हजार १२८ मत खसेको बूढीगंगामा तीन हजार ९७२ मत गणना भएको छ । अव पाँच हजार १६६ मत गणना हुन बाँकी छ ।
अहिलेसम्म वडानम्बर १, २, ९ र १० गणना सकिएको छ ।
निर्वाचन आयोग नेपालले बूढीगंगामा वैशाख ३० गतेको मतदानमा धाँदली भएको भन्दै १० वटै वडाको मतदानलाई वदर गरेको थियो । त्यसकारण विहीबार फेरि चुनाव भएको थियो ।
