बूढीगंगाको वडानम्बर ९ र १० को वडाअध्यक्ष पनि एमाले विजयी
बाजुरा / बूढीगंगा नगरपालिकाको वडानम्बर ९ र १० को वडाअध्यक्षमा पनि एमालेकै उम्मेदवार विजयी भएका छन् ।
वडानम्बर ९ मीनबहादुर सिंह ४८२ मत पाएर विजयी भए । यस्तै वर्तमान वडाअध्यक्ष एवम् नेकपा (एकीकृत समाजवादी)का उम्मेदवार भरत थापाले २९७ मत पाए । थापा ०७४ को चुनावमा एमालेबाटै निर्वाचित भएका थिए ।
वडानम्बर १० मा पनि एमालेकै दलबहादुर साउद डेभिड विजयी भएका छन् । उनले ५४८ र काँग्रेसका उम्मेदवारले ४१९ मत पाए ।
यसअघि वडानम्बर १ मा एमाले रणबहादुर थापा विजयी भएका थिए । वडानम्बर २ मा पनि एमालेका पदम भण्डारी विजयी भएका छन् । तर आधिकारिकरुपमा नजिता प्रकाशन गरिएको छैन ।
