साँफेबगरको काँग्रेसका मेयर र एकीकृत समाजवादीका उपमेयर विजयी
![](https://i0.wp.com/anumodankhabar.com/wp-content/uploads/2022/05/Sanfe-.png?resize=619%2C456&ssl=1)
धनगढी / अछामको साँफेबगर नगरपालिका मेयरमा नेपाली काँग्रेसका राजेन्द्र कुँवर विजयी भएका छन् । उपमेयरमा नेकपा (एकिकृत समाजवादी) का शिवबहादुर कुँवर (शिलोज) निर्वाचित भएका छन् ।
मेयर तथा उपमेयरमा विजयी दुवै जना काँग्रेस र एकिकृत समाजवादीका साझा उम्मेदवार हुन् । मेयरमा विजयी राजेन्द्रले निकटतम प्रतिद्वन्द्वी नेकपा एमालेका पशुपति कुँवरलाई दुई हजार बढी मतान्तरले पराजित गरे ।
राजेन्द्रले सात हजार २६५ र पशुपतिले पाँच हजार ३९ मत पाइन् । उपमेयरमा विजयी एकिकृत समाजवादीका शिवबहादुरले प्रतिद्वन्द्वी माओवादी केन्द्रका रङ्ग ठकुल्लालाई एक हजार एक सय मतान्तरले पराजित गरे । शिवबहादुरले छ हजार ४३४ मत प्राप्त गरे भने रङ्गले पाँच हजार ३१४ मत पाए ।
१४ वडा रहेको साँफेबगर नगरापालिका आठ वडा कांग्रेसले जितेको छ । एमालेले तीन, एकिकृत समाजवादीले एक वडा जित्दा दुई वडामा स्वतन्त्र उम्मेदवार विजयी भएका छन् ।
साँफेबगर नगरपालिकामा काँग्रेस र एकिकृत समाजवादी तथा एमाले र माओवादी केन्द्रबीच चुनावी तालमेल भएको थियो ।