नवजीवन सहकारीको अध्यक्षमा वहुमत सदस्य सहित वम विजयी (हेर्नुस निर्वाचितले पाएको मत सूची समेत)

उपाध्यक्ष , पाँच जना सञ्चालक, लेखा संयोजक र एक लेखा सदस्यमा कठायत समुहका उम्मेदवार विजयी

धनगढी / पश्चिम नेपालकै ठूलो मानिने नवजीवन सहकारी संस्थाको अध्यक्षमा देवबहादुर वम विजयी भएका छन्। वमसित अध्यक्षका अर्का उम्मेदवार रतनबहादुर कठायत पराजित भएका छन् ।

निर्वाचनमा १७ हजार ८० मत खसेकोमा वमले ८ हजार ३९१ मत पाए भने कठायतले ७ हजार ८३ मत पाए। यस्तै उपाध्यक्षमा चेतराज ओझा निर्वाचित भएका छन्।

उपाध्यक्षमा भने कठायत प्यनलका चेतराज ओझा विजयी भएका छन् । ओझासित वम प्यानलका भरतराज जोशी पराजीत भए ।
११ सदस्यहरूका लागि भएको चुनावमा वम प्यानलका इन्दिरा जैशी, गोपालराज पाठक, महेशराज विष्ट, घनबहादुर शाह, शिवकुमार जोशी र विश्वनाथ ओझा विजयी भएका छन्।

यस्तै कठायत प्यानलबाट उत्तम जोशी, केशवराज मिश्र, उपेन्द्र विष्ट, गणेश वम र जयराज जोशी सदस्यमा विजयी भएका छन्। यस्तै लेखा सुपरिवेक्षण समितिको संयोजकमा कठायत प्यानलका चेतराज जोशी, सदस्यमा लक्ष्मीराज पन्त निर्वाचित भएका छन्।

लेखा सदस्यमा वम प्यानलका गणेशप्रसाद उपाध्याय पनि निर्वाचित भए । २०५० सालमा स्थापना भएको नवजीवनको २८औं साधारण सभामा २९ हजार ५७७ शेयर सदस्य रहेका छन् ।