काँग्रेस कैलालीको सभापतिको मतगणना शुरु हुँदै

धनगढी / नेपाली काँग्रेस कैलालीको मतदान आइतबार राति पूरा भएको छ। दुई हजार ५७६ प्रतिनिधिमध्ये दुईहजार ४८५ मत खसेको छ।
निर्वाचन अधिकृत टेकप्रसाद सुवेदीका अनुसार आजै रातिदेखि मतगणना सुरु हुने भएको छ । उनले सभापतिको मत पहिले गणना गरिने बताए ।
सभापतिमा कसैले पनि ५१ प्रतिशत मत ल्याएन भने फेरि मतदान गर्नु पर्ने भएकोले पहिले सभापतिको गणना हुने भएको हो । सभापतिमा संस्थापन पक्षबाट दुई र इतर पक्षबाट एक जना प्यानल सहित चुनावी मैदानमा उत्रिएका थिए ।
संस्थापन पक्षका नारायणदत्त भट्ट र प्रकाशबहादुर वम तथा इतर पक्षबाट रामबहादुर कलेलको सभापतिमा उम्मेदवार छन्।