एमालेको महाधिवेशन : सांसद थापा पिछडिएको क्षेत्रबाट केन्द्रीय सदस्य लड्ने
चितवन । नेकपा (एमाले) को १० औं केन्द्रीय महाधिवेशनमा बाजुराबाट निर्वाचित प्रतिनिधि सभा सदस्य रहेका लालबहादुर थापा पिछडिएको क्षेत्रबाट केन्द्रीय सदस्यमा उठ्ने भएका छन् ।
उनले भने म फेरि पनि पिछडिएकी क्षेत्रबाट केन्द्रीय सदस्य उठ्छु । थापा यसअघि पनि सोही क्षेत्रबाट केन्द्रीय सदस्य निर्वाचित भएका थिए ।
एमाले बाजुराको दुईपटक नेतृत्व गरेका ५० वर्षीय थापाले विकासवादी नेताको समेत छवि बनाएका छन् ।
उनी २०५४ सालमा एमालेबाट जिल्ला विकास समिति सभापति समेत भएका हुन । नेता थापा नेपाल ल क्याम्पसको विद्यार्थी हुँदा राजनीतिमा लागेका हुन ।
एमालेको महाधिवेशन चितवनमा मंसिर १० देखि १२ गतेसम्म हुँदैछ ।
