कञ्चनपुरमा जंगली हात्तीको आक्रमणबाट २ जनाको मृत्यु
धनगढी । कञ्चनपुरमा जंगली हात्तीको आक्रमणबाट २ जनाको मृत्यु भएको छ ।
मंगलबार राति हात्तीको आक्रमणबाट शुक्लाफाँटा नगरपालिका–१२ मा श्रीमान र श्रीमातीको मृत्यु भएको हो ।
जंगली हात्तीको आक्रमणबाट ६६ वर्षीय ध्वजबहादुर कार्की र ५३ वर्षीय मधुरा कार्कीको मृत्यु भएको जिल्ला प्रहरी कार्यालय कंचनपुरका प्रहरी नायब उपरीक्षक (डिएसपी) सिद्धराज न्यौपाले बताए । उनले घटना बारे थप बुझ्न ईलाका प्रहरी कार्यालय झलारीबाट टोलि घटनास्थल तर्फ पठाइएको बताए ।
