आरजु राणा देउवा बनिन क्षेत्रीय प्रतिनिधि,छोरा जयवीर उम्मेदवार नै भएनन्
धनगढी / नेपाली कांग्रेस डडेलधुराको वडा अधिवेशनबाट आरजु राणा देउवा क्षेत्रीय प्रतिनिधि भएकी छन् ।
यसपटक क्रियाशिल सदस्य बनेका प्रधानमन्त्री तथा कांग्रेस सभापति शेरबहादुर देउवा र आरजुका एकमात्र सन्तान जयवीर देउवा भने प्रतिनिधि बनेनन् ।
आरजु भने गन्यापधुरा गाउँपालिका वडा नम्बर १ बाट क्षेत्रीय प्रतिनिधि बनेकी छन्। आरजु ०७४ सालको प्रतिनिधि सभा सदस्यको चुनाव भने कैलाली क्षेत्र नम्बर ५ बाट लडेकी थिइन । उनले आगामी चुनाव पनि कैलालीबाटै लड्ने गरेर तयारी गरिरहेकी छन् ।
भदौ २५ गते भएको वडा अधिवेशनमा जयवीरले उम्मेदवारी नै दिएनन् । प्रधानमन्त्री देउवाको पनि सोही वडामा क्रियाशिल सदस्यता छ ।
प्रधानमन्त्री देउवा भने सभापति भएकोले स्वतह महाधिवेशन प्रतिनिधि हुन्छन् ।
