डोटीमा पहिरोमा च्यापिएर एक जनाको मृत्यु, दुई घाईते
![](https://i0.wp.com/anumodankhabar.com/wp-content/uploads/2021/06/pahiro_V88sZLJU27.jpg?resize=720%2C428)
डोटी । डोटीमा पहिरोमा च्यापिएर एक जनाको मृत्यु भएको छ । जिल्लाको केआईसिंह गाउँपालिका वडा नंं ३ बासुदेबी देउकाँडाका ६५ बर्षिय खडकबहादुर बमको पहिरोमा च्यापिएर मृत्यु भएको हो ।
बमको साथमा पानी फर्काउन गएकी दुई बालिका पनि घाईते भएकी छन् । घाईते हुनेहरुमा बासुदेबीको झिगावस्तीका १३ बर्षिय पुनी कुँवर र १६ बर्षिय पुजा कुँवर रहेका छन् । पुनीको हात भाँचिएको छ भने पुजाको टाउकोमा चोट लागेको छ ।
खानेपानी अबरुद्ध भएपछी पानी बनाउन मुहानमा गएका बमको खिरणा खोलाको पहिरोमा परेर निधन भएको स्थानीय खगेन्द्र बडैलाले बताए ।