दलको नेता नमान्न सभामुखलाई पत्राचार
धनगढी / नेकपा (एमाले) को सुदूरपश्चिम प्रदेश कमिटीले सुदूरपश्चिम प्रदेश सभामा एमाले संसदीय दलका नेता प्रकाशबहादुर शाहलाई नमान्न आग्रह गरेको छ ।
![](https://i0.wp.com/anumodankhabar.com/wp-content/uploads/2019/07/Prakash-Bdr-Shah-1.png?resize=416%2C427)
प्रदेश सभाका सभामुख अर्जुनबहादुर थापालाई पत्र लेख्दै सो आग्रह गरिएको हो । सो पार्टीका प्रदेश अध्यक्ष कर्णबहादुर थापा र सचिव राजेन्द्र रावलले पत्र लेखर सो आग्रह गरेका हुन ।
सभामुखका स्वकीय सचिव कविन्द्र रोकायाले सो पत्र सभामुखलाई दिएको पुष्टी गरे । सभामुखले सो पत्र अध्ययन गरिरहेको बताइएको छ ।
पार्टीको निर्देशन र निर्णय उलंघन गरेकोले शाहलाई नेता नमान्न पत्रमा आग्रह गरिएको बताइएको छ ।