कञ्चनपुरमा लागुऔषधसहित ३ जना पक्राउ
कञ्चनपुर । कञ्चनपुर प्रहरीले लागुऔषधसहित ३ जनालाई पक्राउ गरेको छ। जिल्लाको शुक्लाफाँटा नगरपालिका–१० झलारी बजारबाट सोही ठाउँका ३४ वर्षीय बिक्रम शिलाल, २५ वर्षीय विशाल थापा र २६ वर्षीय बिनोद नागरीलाई पक्राउ गरिएको हो ।
उनीहरुको साथबाट २ ग्राम ६४० मिली ग्राम ब्राउनसुगर फेला परेको जिल्ला प्रहरी कार्यालय कञ्चनपुरले जनाएको छ।
पक्राउ परेका तीनै जना माथी थप अनुसन्धान भइरहेको कञ्चनपुर प्रहरीका प्रवक्ता प्रहरी नायव उपरीक्षक अमरबहादुर थापाले बताए।
