कञ्चनपुरमा एक पुरुष मृत फेला
धनगढी । कञ्चनपुरमा एक पुरुष मृत फेला परेका छन् । जिल्लाको भिमदत्त नगरपालिका ५ सोभाताल स्थायी घर भएका करिब ३० वर्षीय राम प्रसाद चौधरी मृत फेला परेका हुन् ।
ज्याला मजदुरीको काम गर्न भिमदत्त नगरपालिका ८ मा डेरा गरी बस्दै आएका चौधरी शुक्रवार बिहान मृत फेला परेको जिल्ला प्रहरी कार्यालय कञ्चनपुरका प्रहरी नायव उपरीक्षक अमर बहादुर थापाले जानकारी दिए ।
घर नजिकै रहेको निर्माणाधीन घरको खम्बामा झुन्डिएको अवस्थामा मृत फेला परेको प्रहरी नायव उपरीक्षक थापाले बताए । मृतकको शव अहिले महाकाली अस्पतालमा राखिएको र घट्नाबारे थप अनुसन्धान भइरहेको प्रहरीले जनाएको छ ।
