कैलालीमा निषेधाज्ञा उल्लंघन गर्ने ३८ वटा सवारी साधन कारबाहीमा
धनगढी । कैलालीमा निषेधाज्ञा उल्लंघन गर्ने ३८ वटा सवारीसाधनलाई कारबाही गरेको छ । कोरोना संक्रमण बढ्दै गएपछि जिल्ला प्रशासन कार्यालयले बिहीबारदेखि जारी गरेको निषेधाज्ञा उल्लंघन हुन नदिन प्रहरीले निगरानी तथा कारवाही कडा पारेको हो ।
निषेधाज्ञाको पहिलो दिन बुधबार कैलालीमा ७५० वटा सवारीसाधनलाई प्रहरीले होल्ड गरेको जिल्ला ट्राफिक प्रहरी कार्यालय कैलालीका प्रमुख तथा प्रहरी निरिक्षक बिरेन्द्र बहादुर बोहरा बताए ।
सबै सवारी साधनलाई होल्ड गरि सम्झाई बुझाई छोडिएको र ३८ वटा सवारी साधन लाई कार्वाहि गरि २३ हजार ५ सय राजश्व संकलन भएको उनले बताए । जिल्ला प्रहरी कार्यालय कैलालीबाट खटेको प्रहरी र ट्राफिक प्रहरीको संयुक्त गस्ती टोलीले कैलाली र धनगढी आसपासका क्षेत्रमा कडाइ गरेको हो ।
