सशस्त्र प्रहरीद्वारा माल सामान र माछाको भुरा बरामद
![](https://i0.wp.com/anumodankhabar.com/wp-content/uploads/2021/03/159105920_140500274631184_142523894478168644_n2021-03-15-02-01-31-768x433.jpeg?resize=720%2C406&ssl=1)
धनगढी । भारतबाट अवैध रुपमा भित्र्याइएको माल सामान र माछाको भुरालाई सशस्त्र प्रहरीले बरामद गरेको छ ।
सशस्त्र प्रहरी बल नेपाल नम्बर ३४ गण कैलाली मातहतका बीओपीबाट खटेको प्रहरी टोलीले विभिन्न इलाकाबाट तीन लाख ८५ हजार ३७५ रुपैयाँ बराबरको माल सामान बरामद गरेको हो । बरामद सामानमा लत्ताकपडा, इलेक्ट्रोनिक सामान लगायत रहेको छ । बरामद सामानलाई आवश्यक कारबाहीका लागि सत्ती भन्सार कार्यालयमा बुझाइएको छ ।
यसैगरी, भारतबाट ल्याउँदै गरेको ९० हजार रुपैयाँ मूल्य बराबरको माछाका भुरा पनि सशस्त्र प्रहरीले बरामद गरेको छ । बरामद भुरा सरोकारवाला निकायको रोहबरमा नष्ट गरेको जनाइएको छ ।