आलोक मल्टी कन्सर्नको आगलागीको कारण पत्ता लागेन
धनगढी / धनगढी उपमहानगरपालिकाको वडा नम्बर ४ चटकपुरमा रहेको आलोक मल्टी कन्सर्न प्रालि उद्घाटन हुन नपाउँदै खरानी भएको छ ।
लामो समयसम्म डडेल्धुरामा व्यवसाय गरेका भोजराज भट्ट र पदम भण्डारीले धनगढीमा आठ करोड रुपैयाको लगानीमा आलोक मल्टी कन्सर्न उद्योग सञ्चालनमा ल्याउने तयारीमा थिए ।
आगलागीका कारण आठ करोड रुपैया लगानी तथा परिश्रम स्वाहा भएको छ ।
हाउस डेकुरेशनसंगै कन्सल्टेन्सी सेवा उपलब्ध गराउने उद्दे्रश्य सहित सो कम्पनी सञ्चालनको तयारी भएको थियो ।
प्रहरीले सो कम्पनीमा आगलागी हुनुको कारण अझैं खुल्न नसकेकोे प्रहरीले जनाएको छ । कम्पनीमा दिउँसो १२ बजे शुरु भएको आगलागी करिब तीन घण्टापछि नियन्त्रणमा लिइएको थियो ।
