खप्तड लघुवित्तको साधारण सभा
![](https://i0.wp.com/anumodankhabar.com/wp-content/uploads/2021/02/155386175_1607655746098250_6676130465306897928_n-768x576.jpg?resize=720%2C540&ssl=1)
धनगढी । कैलालीको गोदावरी नगरपालिका वडा नम्बर १ स्थित खप्तड लघुवित्त वित्तिय संस्थाको शनिबार प्रथम वार्षिक साधारण सभा भएको छ ।
साधारण सभाको कैलाली जिल्ला निर्वाचन कार्यालय प्रमुख प्रेमराज भट्टले उद्घाटन गरेका थिए । साधारण सभा संस्थाका अध्यक्ष सुमन प्रसाद श्रेष्ठको अध्यक्षतामा भएको थियो ।
कार्यक्रमको संचालन संस्थाका प्रमुख कार्यकारी अधिकृत सुरेश बहादुर बमले गरेका थिए ।
२०७६ साल फागुन १८ गते स्थापना भएको सो संस्थाको सेयरपुँजी दुई करोड ६८ लाख रुपैया रहेको छ । संस्थामा ६२ जना शेयर सदस्यहरु रहेका छन् ।
संस्थाले चालु आर्थिक वर्षको पुस मसान्तसम्म सात करोड ९३ लाख रुपैया कर्जा लगानी गरेको संस्थाका प्रमुख कार्यकारी अधिकृत बमले बताए ।
यसैबीच, प्रथम साधारण सभाले सुमन प्रसाद श्रेष्ठको नेतृत्वमा नया कार्यसमिति चयन गरेको छ ।
कार्यसमितिका सदस्यहरुमा चन्द्रबहादुर चन्द, डबल बहादुर शाह र रणदेव कृष्ण श्रेष्ठ रहेका छन ।