सुदूरपश्चिम प्रदेश सभाको नेकपाको संसदीय दलको बैठक शुरु
धनगढी/ पार्टीमा विभाजन भएपछि पहिलो पटक सुदूरपश्चिम प्रदेश सभामा रहेको नेकपाको संसदीय दलको बैठक शुरु भएको छ ।
सो पार्टीका स्थायी समिति सदस्य तथा सुदूरपश्चिम इन्चार्ज भीम रावलको उपस्थितिमा वैठक शुरु भएको छ ।
वैठकमा दुईवटै पक्षका प्रदेश सभा सदस्य उपस्थित रहेका छन् । सो बैठकमा हालै पदमुक्त भएका भौतिक पूर्वाधारमन्त्री पठानसिह वोहरा समेत सहभागी छन् ।
बैठकमा आर्थिक मामिला तथा योजनामन्त्री झपट वोहरा बाहेक सबै सहभागी रहेका छन् । बोहरा काठमाडौ रहेको बताइएको छ ।
५३ सदस्यीय प्रदेश सभामा नेकपाका ३९ जना रहेका छन् । ती मध्ये दुई जना सभामुख र उपसभामुख रहेका छन ।
