यूनियनको पहलमा तीन लाख बढी सहयोग
![](https://i0.wp.com/anumodankhabar.com/wp-content/uploads/2020/12/photo-bijuli-768x384.jpg?resize=720%2C360&ssl=1)
दार्चुला / कोरोबाट मृत्यु भएका नेपाल विद्युत प्राधिकरण दार्चुला वितरण केन्द्रमा कार्यरत स्टोर प्रमुख पदमसिंह बडालको परिवारलाई आर्थिक सहयोग गरिएको छ ।
नेपाल विद्युत प्राधिकरण ( आधिकारिक ट्रेड यूनियन ) राष्ट्रिय कर्मचारी यूनियन सुदूरपश्चिम प्रदेशले बडालको परिवारलाई तीन लाख बढी सहयोग गरेको हो ।
आधिकारिक ट्रेड यूनियनका सुदूरपश्चिम प्रदेश अध्यक्ष लोगबहादुर विष्टले पदमसिंह बडालकी श्रीमति विरमा महरा बडाललाई दार्चुला खलंगा पुगेरै सो रकम हस्तान्तरण गरे ।
अध्यक्ष विष्टका अनुसार सुदूरपश्चिममा कार्यरत आम कर्मचारीबाट सो रकम जुटाएर बडाल परिवारलाई वितरण गरिएको हो । बडाल यूनियनका सुदूरपश्चिम प्रदेश सदस्य पनि थिए ।