लम्की चुहाले सुकम्वासीलाई लालपूर्जा दिने
![](https://i0.wp.com/anumodankhabar.com/wp-content/uploads/2020/12/118236037_690800988447443_8335787996189253090_o.jpg?resize=720%2C716)
लम्की / कैलाली जिल्लाको लम्की चुँहा नगरपालिकाले अव आफैले भूमिहीन दलित, भूमिहीन सुकम्वासी तथा अवस्थित बसोबासलाई व्यवस्थित गर्न पाउने भएको छ ।
सो नगरपालिकाको पटक पटकको प्रयासपछि भूमि सम्वन्धी समस्या समाधान आयोगले नगरपालिकालाई सो अधिकार दिन थालेको हो । नगरप्रमुख महादेव वजगाईले पुस २ गते सो सम्वन्धी सम्झौता हुने बताए ।
आयोगको टोली काठमाडौबाट धनगढी आएर सो सम्झौता गर्ने आयोगद्धारा नगरपालिकालाई दिइएको पत्रमा उल्लेख छ ।
हामी अधिकार पाउने वित्तिकै द्रुत गतिमा काम थाल्छौ नगरप्रमुख बजगाईले बताए । लम्की चुँहामा छ हजार बढी भूमिहीन दलित, भूमिहीन सुकम्वासी तथा अवस्थित बसोबास भएकाहरु रहेको बताइएको छ ।
![](https://i0.wp.com/anumodankhabar.com/wp-content/uploads/2020/12/129463228_775935756600632_1597993935224254261_o-570x768.jpg?resize=570%2C768&ssl=1)