५१ जना काेराेना संक्रमित थपिए
धनगढी । पछिल्लाे २४ घण्टामा सेती प्रादेशिक अस्पतालको प्रयोगशालामा गरिएको परीक्षणमा ५१ जनामा कोरोना संक्रमण पुष्टि भएको छ ।
![](https://i0.wp.com/anumodankhabar.com/wp-content/uploads/2020/11/126505751_204737187828531_203148024937790144_o-538x768.jpg?resize=538%2C768&ssl=1)
अस्पतालकाे प्रयाेगशालामा गरिएकाे परीक्षणमा कैलालीका कैलालीका ४५ र कञ्चनपुरका ६ जनामा काेराेना संक्रमण पुष्टी भएकाे हाे । अस्पतालका सूचना अधिकारी दिलीप श्रेष्ठले कैलालीमा सबै भन्दा धेरै धनगढीमा संक्रमण देखिएको जनाए ।
धनगढी उपमहानगरपालिका भित्रका विभिन्न वडाहरूमा एकै दिन २७ जनामा संक्रमण पुष्टि भएको छ । टिकापुरमा १६ जना र गौरिगंगामा १ जना सङ्क्रमित भएका छन् । कैलालीका १ सङ्क्रमितको स्थानीय तह खुलेको छैन ।
कञ्चनपुरको भिमदत्तमा ५ जना र बेल्डाडीमा १ जनामा संक्रमण पुष्टि भएको छ । पछिल्लो २४ घण्टामा ३७७ जनाको परीक्षण गर्दा ५१ जनामा संक्रमण पुष्टि भएको हो ।