कोरोना र बाढी प्रभावितलाई राहत वितरण
धनगढी । कैलालीको भजनी नगरपालिकाका कोरोना तथा बाढी प्रभावित परिवारलाई राहत सामग्री वितरण गरिएको छ ।
![](https://i0.wp.com/www.anumodankhabar.com/wp-content/uploads/2020/09/Rahat-Foto-768x576.jpg?resize=720%2C540&ssl=1)
याक नेपाल संस्थाले नोवेल कोरोना भाइरसका कारण रोजगारी गुमाएर दैनिक गुजारा गर्न समस्या परेका तथा बाढी प्रभावित परिवारलाई शनिबार राहत सामग्री वितरण गरेको जनाएको छ ।
याक नेपालका कार्यक्रम संयोजक देवी प्रसाद खनाललृ भजनी नगरपालिका वडा नम्बर ३ का ५९ विपन्न परिवारलाई राहत वितरण गरिएको जानकारी दिए ।
भजनी नगरपालिका उपप्रमुख छाया देवकोटाको उपस्थितिमा संस्थाले प्रतिपरिवार २५ किलो चामल, दुई किलो नुन, दुई किलो दाल, एक लिटर तेल र दुई वटा सावुन वितरण गरिएको थियो ।
सो अवसरमा नगर उपप्रमुख देवकोटाले बाढी तथा कोरोना प्रभावित परिवारलाई राहत सामग्री हस्तान्तरण गरिन् । उनले कोरोना तथा बाढी प्रभावित परिवारहरुलाई राहत वितरण गरेकोमा याक नेपाललाई धन्यवाद व्यक्त गरिन् ।
याक नेपालका महासचिव हृदय पुजाराले विपदका कारण दैनिक हातमुख जोर्न समस्या परेका नागरिकहरुलाई संस्थाले सहयोग गर्दै आएको बताए ।