लम्कीमा एक युवक माथि दिनदहाडै खुकुरी प्रहार
![](https://i0.wp.com/www.anumodankhabar.com/wp-content/uploads/2020/07/15955845651595583196khukuri_prahaar-scaled.jpeg?fit=720%2C540&ssl=1)
कैलाली । कैलालीमा एक युवक माथि दिनदहाडै खुकुरी प्रहार भएको छ ।
सैलुनमा कपाल काटेर बाहिर निस्कने क्रममा एक समूहले आक्रमण गर्दा लम्की चुहा नगरपालिका१ का २८ वर्षीय रमेश बहादुर शाही घाइते भएका हुन् ।
उनी माथि ७/८ जनाको समुहले खुकुरी प्रहार गरेको जिल्ला प्रहरी कार्यालय कैलालीले जनाएको छ ।
उनको शरीरमा चोट रहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टले जानकारी दिए ।
अहिले घाईते शाहीको लाल रत्न अस्पतालमा उपचार भइरहेको उनले जानकारी दिए ।