महिला होल्डीङ्ग आईसोलेशन संचालनको तयारी
धनगढी । धनगढी उप–महानगरपालिका वडा नं १ मा रहेको बि-पोलिटेक्नीकमा महिला होल्डीङ्ग आईसोलेशन स्थापनाको अन्तीम तयारी भएको छ ।
महिला होल्डीङ्ग आईसोलेशनको ढाँचा, सहयोग र समन्वयका बिषयमा शुक्रवार धनगढी उप–महानगरपालिकाले धनगढीमा रहेका सरकारी तथा राष्ट्रिय तथा अन्त्राष्ट्रिय गैरसरकारी संस्था, नीजि क्षेत्र, सुरक्षा निकाय संग छलफल समेत गरेको छ ।
महिला होल्डीङ्ग आईसोलेशनलाई नमुना आईसोलेशन बनाउने तयारी भैरहेको छ नगरप्रमुख वडले भने, यसका लागि सहकार्य गर्ने सबै प्रति आभारी छौं । उप–महानगरपालिकाले आफ्नै आईसोलेशन संचालनमा ल्याएको अवगत गराउदै नगरप्रमुख वडले भने, यो नितान्त महिलाको लागि हो ।
धनगढी उप–महानगरपालिकाका उप–प्रमुख सुशीला मिश्र भट्टले महिला होल्डीङ्ग आईसोलेशनको ब्यबस्थापनको मोडालिटीका बारेमा आज राम्रो छलफल भएको बताईन् । हामीले महिलाका लागि नमुना आईसोलेशन संचालनमा ल्याउन खोजेका हौं उनले भनिन्, त्यसैले सबैको सहकार्य आवश्यक छ ।
