सुदूरपश्चिममा १८ सय ९५ जनाको र्यापिड टेस्ट, सबैको रिपोर्ट नेगेटिभ
डडेल्धुरा । सुदूरपश्चिम प्रदेशमा कोरोना भाइरसको र्यापिड टेस्ट जारी छ। शनिबारसम्म सुदूरपश्चिमबाट एक हजार ८ सय ९५ जनाको र्यापिड टेस्ट गरिएको प्रदेश स्वास्थ्य आपतकालीन केन्द्र डोटीले उल्लेख गरेको छ।
र्यापिड टेस्ट गरिएका सबैको रिपोर्ट नेगेटिभ आएको केन्द्रले बताएको छ। अहिलेसम्म दार्चुलाबाहेक आठ जिल्लाको र्यापिड टेस्टको रिपोर्ट नेगेटिभ आएको स्वास्थ्य आपतकालीन केन्द्रले जनाएको छ। कैलालीमा सात सय ३०, बझाङमा ४ सय २६, कञ्चनपुरमा चार सय ७, डोटीमा दुई सय ४०, बाजुरामा ५३, बैतडीमा ३७, डडेल्धुरा र अछाममा एक र एक जनाको र्यापिड टेस्ट गरिएको केन्द्रले जनाएको छ।
हाल सरकारले सुदूरपश्चिममा १० हजार थानमात्र आरडिटी किट उपलब्ध गराएको छ।
१३ सय ५३ जनाको रिपोर्ट आउन बाँकी
सुदूरपश्चिम प्रदेशबाट कोरोनाको पिसिआर प्रविधिबाट अर्थात प्रयोगशाला मार्फत नै परीक्षणका लागि नमूना संकलन थालिएको शनिबार ५९ दिन पुगेको छ। प्रदेश स्वास्थ्य आपतकालीन केन्द्र डोटीले दिएको जानकारीअनुसार फागुन १ गतेदेखि नमूना संकलन सुरु भएकोमा ५९ दिनमा एक हजार सात सय ६ जनाको नमूना संकलन गरिएको हो।
प्रदेशका विभिन्न अस्पताल, नेपाली सेनाको टोली र संघीय सरकारले पठाएको टोलीले नमूना संकलन गरेका हुन्। प्रदेश स्वास्थ्य आपतकालीन केन्द्रका अनुसार अहिलेसम्म तीन सय ४९ जनाको मात्रै नमूना परीक्षण गरिएको छ भने एक हजार तीन सय ५३ जनाको रिपोर्ट आउन बाँकी छ।
शुक्रबारसम्म दुई सय ६३ जनाको प्रयोगशाला मार्फत नमूना परीक्षण गरिएकोमा शनिबार थप ९० जनाको नमूना परीक्षण गरिएको हो। शनिबार प्रदेशमा स्थापना भएको प्रयोगशाला र राष्ट्रिय जनस्वास्थ्य प्रयोगशाला मार्फत सुदूरपश्चिमका ९० जनाको कोरोना परीक्षण गरिएको हो। शनिबार परीक्षण गरिएका सबैको रिपोर्ट नेगेटिभ आएको संघीय सरकारको स्वास्थ्य तथा जनसङख्या मन्त्रायले जनाएको छ।
यस्तै कैलाली र कञ्चनपुरसहित सुदूरपश्चिमका पहाडी जिल्लामा कोरोना भाइरसको र्यापिड टेस्ट जारी छ। अहिलेसम्म सुदूरपश्चिमबाट एक हजार चार सय ६९ जनाको र्यापिड टेस्ट गरिएको प्रदेश स्वास्थ्य आपतकालीन केन्द्र डोटीले जनाएको छ।
र्यापिड टेस्ट गरिएका सबैको रिपोर्ट नेगेटिभ आएको केन्द्रले जनाएको छ। कैलालीमा सात सय ३०, कञ्चनपुरमा चार सय ७, डोटीमा दुई सय ४०, बाजुरामा ५३, बैतडीमा ३७, डडेल्धुरा र अछाममा एक-एक जनाको र्यापिड टेस्ट गरिएको केन्द्रले जनाएको छ। र्यापिड टेस्टमा भने कोभिड-१९ ले संक्रमण गरेको शरीरले उत्पादन गर्ने ‘एन्टिबडी’को मात्रा परीक्षण गर्ने गरेको छ।
शनिबार ९० जनाको कोरोना परीक्षण
सुदूरपश्चिम प्रदेशबाट संकलन गरीएका ९० जनाको शनिबार कोरोना परीक्षण गरिएको छ। कोरोनाको पिसिआर प्रविधिबाट अर्थात प्रयोगशाला मार्फत नै परीक्षणका लागि संकलन गरिएका नमूनामध्ये ९० जनाको शनिबार परीक्षण गरिएको हो।
शुक्रबारसम्म दुई सय ६३ जनाको प्रयोगशाला मार्फत नमूना परीक्षण गरिएकोमा शनिबार थप ९० जनाको नमूना परीक्षण गरिएको हो। शनिबार परीक्षण गरिएका ९० जनाको नै रिपोर्ट नेगेटिभ आएको छ। प्रदेश स्वास्थ्य आपतकालीन केन्द्रका अनुसार अहिलेसम्म सुदूरपश्चिमका तीन सय ४९ जनाको नमूना परीक्षण भएको छ। जसमा चार जना बाहेक सबैको रिपोर्ट नेगेटिभ आएको छ।
आरटिपिसिआर मेसिन जडान, कोरोना परीक्षण सुरु
कैलालीको धनगढीमा कोरोना भाइरसको नमूना परिक्षणका लागि संघीय सरकारले पठाएको आरटिपिसिआर मेसिन जडानको काम सकिएको छ। पशुपन्छी रोग अन्वेषण प्रयोगशाला धनगढीमा आरटिपिसिआर मेसिन जडानको काम सकिएको सामाजिक विकास मन्त्रालयले जनाएको छ।
उनका अनुसार जडान सकिएसँगै प्रयोगशालाबाट कोरोना भाइरसको नमूना परीक्षणको काम थालिएको छ। अब उक्त आरटिपिसिआर मेसिनबाट १२ घण्टामा दुई सय ७० जनाको नमूना परिक्षण गर्न सकिनेछ। संघीय सरकारले चार दिन अगाडि पठाएको उक्त मेसिन केही समग्रीको अभावले गर्दा जडान हुन सकेको थिएन।
तर शनिबार बिहानमात्र प्रदेशको सामाजिक विकास मन्त्रालयले नेपाली सेनाको हेलिकोप्टर मार्फत ती समग्री धनगढी ल्याएको थियो।
दार्चुलाबाट ४ सय ६१ जनाको स्वाब काठमाण्डौं लगियो
दार्चुलाका ४ सय ६१ जनाको स्वाब कोरोना परीक्षणका लागि शनिबार काठमाण्डौं लगिएको छ। भारत तथा अन्य मुलुकबाट दार्चुला आएका उनीहरुमा कोरोना भाइरसको संक्रमण भए नभएको पत्ता लगाउन स्वाब संकलन गरी परिक्षणका लागि काठमाण्डौँ लगिएका स्वास्थ्य कार्यालय दार्चुलाका प्रमुख जयराज भट्टले जानकारी दिए।
नौवटै स्थानीय तहका ५ सय १० जनाको स्वाब परीक्षणका लागी संकलन गर्ने लक्ष्य राखेको भएपनि सेल्फ क्वारेन्टाइनमा बसेका ५० जना संकलन केन्द्र नआएपछि ४ सय ६१ जनाको मात्रै स्वाब संकलन गरिएको उनले बताए।
शनिबार बिहान नेपाली सेनाको हेलिकोप्टर मार्फत काठमाण्डौंबाट आएका स्वास्थ्यकर्मीहरुले कोरोना परीक्षणका लागि उनीहरुको स्वाब संकलन गरेका हुन्। जिल्लाका नौवटै स्थानीय तहहरुमा पुगेर स्वास्थ्यकर्मीहरुले भारतलगायत अन्य मुलुकबाट आएकाहरुमा कोरोना संक्रमण भए नभएको परीक्षण गर्न स्वाब संकलन गरेको उहाको भनाइ छ।
