२ बैशाख २०८१, आईतवार

मुख्यमन्त्रीले लिए भिडियो कन्फ्रेन्सबाट नौवटै जिल्लाको जानकारी



धनगढी । सुदूरपश्चिमका मुख्यमन्त्री त्रिलोचन भट्टले भिडियो कन्फ्रेन्सबाट प्रदेशका नौवटै जिल्लाको अवस्था बारे जानकारी लिइरहेका छन्

कोरोना भाइरसका कारण उत्पन्न परिस्थिति बारे प्रमुख जिल्ला अधिकारी, जिल्ला समन्वय समितिका प्रमुख, जिल्लाका स्वास्थ्य कार्यालयका प्रमुख लगायतसंग उनले भिडियो कन्फ्रेन्सबाट जानकारी लिइरहेका छन ।
मुख्यन्त्रीले क्वारेन्टाइनमा बस्नेहरुको अवस्था, खाद्यान्न लगायतका दैनिक उपभोग्य वस्तु मौज्दात रहे नरहेको वारेमा पनि चाँसो राखेका छन । सो अवसरमा सीमा क्षेत्रमा अलपत्र परेका नेपालीको अवस्था वारे पनि मुख्यमन्त्री भट्टले जानकारी लिएका थिए । विभिन्न जिल्लाका प्रमुख जिल्ला अधिकारी र स्वास्थ्यका अधिकारीहरुले स्वास्थ्यकर्मीले प्रयोग गर्ने सामाग्री, विभिन्न खालका औषधि र खाद्यान्नको अभाव हुन थालेको बताएका थिए ।


प्रदेश सभा सचिवालय धनगढीमा रहेका भिडियो कन्फ्रेन्सबाट मुख्यमन्त्रीले नौ वटै जिल्लासँग सम्वन्धित अधिकारीहरुसंग छलफल चलाइरेहका हुन । संयुक्त राष्ट संघको संसद सहयोग परियोजनाले संसद सचिवालय, आठ वटा जिल्ला समन्वय समिति र टीकापुर नगरपालिकामा भिडियो कन्फ्रेन्स प्रणाली जडान गरेको छ ।
छलफल अहिले पनि जारी रहेको छ । छलफलमा प्रदेश सरकारका प्रवक्ता तथा आन्तरिक मामिला तथा कानूनमन्त्री प्रकाश शाह, सामाजिक विकासमन्त्री कृष्णराज सुवेदीको पनि सहभागिता छ । यस्तै गरेर छलफलमा कैलालीबाट धनगढी उपमहानगरपालिकाका प्रमुख नृप वड, प्रमुख जिल्ला अधिकारी यज्ञराज वोहरा लगायतको पनि सहभागिता छ ।

प्रतिक्रिया दिनुहोस्
विशेष समाचार