१५ चैत्र २०८०, बिहीबार

भजनीलाई पर्यटकीय नगरका रुपमा विकास गर्न खोजेका छौ: नगरप्रमुख चौधरी



राणा शासनताका भजनी क्षेत्र कैलालीको कुत (कर) उठाउने केन्द्र थियो । त्यसैले होला, भजनीलाई कैलालीको पुरानो सदरमुकाम मानिन्छ् । अहिले भजनी क्षेत्र डल्फिन, लोपोन्मुख राजी समुदाय, धेरै तालतलैया आदिक्षेत्रकारुपमापनि परिचित छ । साविकलालबोझी, खैलाड, भजनी तथा थापापुर गाविसका वडा मिलाएर बनेको भजनी नगरपालिकाका समस्या पनि उत्तिकै छन् । भजनी बाढी तथानदी कटान र डुबानबाट हरेक वर्ष समस्याग्रस्त हुने गरेको छ । यो नगर मोहना, कान्द्रा, काँडा, पथरैया लगायतका नदीका कारण हरेक वर्षातमा डुबानमा पर्ने गरेको छ । भारतीय पक्षबाट नेपालीसिमा अतिक्रमण हुने क्षेत्र मध्ये भजनी पनि एक हो । यी र यस्तै समस्या जुझ्दै भजनीलाई विकशित नगर बनाउने लक्ष्यमा केन्द्रीत छन्– ३९ वर्षीय नगरप्रमुख शेरबहादुर चौधरी । प्रस्तुत छ तत्कालीन नेकपा माओवादी केन्द्रको उम्मेदवारका रुपमा विजयीनगर प्रमुख चौधरीसंग अनुमोदनखबर डट कमका सम्पादक प्रकाशविक्रम शाहले नगरका विभिन्न सवालमा गरेको कुराकानीको सारसंक्षेप:

भजनी नगरपालिका, डल्फिन तथा तालतलैयाको धनि मानिन्छ । यिनको प्रचारप्रसार तथा उपयोगका लागि के गर्दै हुनुहुन्छ ?
हामीले भजनीलाई पर्यटकीय नगरका रुपमा विकास गर्न खोजेका छौ । यसका लागि पर्यटन योजना बनाउदैछौ । डल्फिन हेर्नका लागि भ्यू टावर बन्दैछ । त्यस्तै, तालतलैयाको व्यवस्थापन, संरक्षण तथा उपयोगको योजना बनाउदै छौं । भजनीमा पाँचदेखि ६५ बिघा क्षेत्रफलका २६ वटा ताल छन् । हामी माछा उत्पादनको पकेट क्षेत्र बनाउदैछौं । हामीले तालतलैया ठेक्कामा दिएर वार्षिक दुई करोड रुपैयाँ आम्दानी गर्ने योजना बनाएका छौ । अहिले वन सम्वन्धी ऐनले तालतलैयाका उपयोगमा केही समस्या हुँदा पनि वार्षिक एक करोड रुपैयाँ आम्दानी हुने स्थिति बनेको छ । त्यस्तै, भजनी जैविक विविधता तथा केही लोपोन्मुख बन्यजन्तुको बास स्थान पनि हो ।
साविकका लालबोझी, खैलाड तथा भजनी गाविस र थापापुरका केही वडा मिलाएर भजनी नगरपालिका बनेको छ । काम गर्न कत्तिको गाह्रो छ ?
हरेक वर्षायाममा हामी बाढीका कारण त्रसित हुने गरेका छौं । बाढी आउँदा जनताको ज्यान जोगाउन निकै गाह्रो हुने गरेको छ । बाढीका कारण हरेक वर्ष कृषि योग्य जमिन बगर बन्दै गएका छन् । कृषि योग्य जमिनको संरक्षण अर्को चुनौती छ । त्यसैले, हामीले तटवन्ध निर्माणका लागि चालू आर्थिक वर्षमै करोड बढि रकम विनियोजन गरेको छौं । यो कार्यमा सुदूरपश्चिम प्रदेश सरकारले पनि सहयोग गर्दै छ । राष्ट्रपति चुरे संरक्षण कार्यक्रमले पनि तटवन्ध निर्माणमा काम गर्दैछ ।
भजनीमा राजी, मुक्तकमैया, कुमाल, सुकम्वासी जस्ता अतिविपन्न समुदाय तथा वर्गको बसोबास छ । उनीहरूका लागि के गर्दै हुनहुन्छ ?
भजनी नगरपालिकाले यीवर्ग तथा समुदायको आर्थिक उत्थानका लागि विभिन्न कार्यक्रम गरिरहेको छ । सिकर्मी, डकर्मी आदि सीपमुलक तालिम सञ्चालन गरेका छौं । मुक्तकमैयालाई तरकारी खेतीका साथै पशुपालन पेसामा लगाउँदै छौं ।
भारतीय पक्षबाट भजनीमा नेपालीभूमि अतिक्रमण, नेपाली जनतामाथि दुव्र्यवहार दोहोरिने गरेका छन् । तपाईं के गर्दै हुनुहुन्छ ?
यी समस्याबारे प्रमुख जिल्ला अधिकारीले भारतीय पक्षसंग आवश्यक समन्वय गर्ने गर्नुहुन्छ । हामीले विवादित क्षेत्रका समस्या समाधानका लागि निरन्तर सरकारलाई दवाव दिइरहेका छौ । त्यस्तै, मोहना नदीको कटानका कारण पनि केही जंगे पिलर हराएका छन् । सिमा सर्वेक्षण टोलीले कैलालीमै काम गरिरहेको छ । त्यसको काम हेरेपछि नै प्रतिक्रिया दिनु ठिक हुन्छ । खास गरेर ७०७ नम्वर सीमा स्तम्भबारे विवाद छ ।
भजनी नगरपालिकाको अहिलेको बजेटका प्रमुख प्राथमिकता के के हुन् ?

भजनी नगपालिकाको एक करोड २५ लाख रुपैयाँ आन्तरिक आम्दानी छ । संघीय सरकार तथा प्रदेशको अनुदान समेत गरी हाम्रो कुल बजेट ६५ करोड रुपैयाँ रहेको छ । हामीले सकड निर्माण तथा विस्तारलाई मुख्य प्राथमिकता बनाएका छौं । चालू आर्थिक वर्षमा करिब पाँच किलोमिटर सडक कालो पत्रे हुँदैछ । हामीले आउँदो आर्थिक वर्षमा कम्तिमा २५ किलोमिटर सडक कालो पत्रे गर्ने योजना बनाएका छौं । त्यस्तै, विभिन्न बस्ती जोड्नका लागि झोलुंगे पुल बनाउदै छौ । कतिपय झोलंगे पुल निर्माणको विस्तृत डिपिआर बन्दैछ । हाम्रो अर्को प्राथमिकताको क्षेत्र कृषि हो । हामी भजनीमा चैते धानको विस्तारमा ध्यान दिइरहेक ाछौ । यसवर्ष भजनीमा तीन सय बिघामा चैते धान लगाउने योजना छ । चैते धान लगाउने किसानलाई सिंचाईंका लागि बोरिङ, बीऊ विजन, कृिष औजार, उपकरण वितरण गर्दैछौं । त्यस्तै, शिक्षाको विकासका लागि स्कुल समायोजन कार्यक्रम अगाडि बढाउँदै छौं । यसले नगरमा शैक्षिक गुणस्तर बृद्धि गर्ने छ । सामुदायिक स्कुलमा पनि राम्रो पढाई हुन्छ भन्ने वातावरण सिर्जना गर्ने तर्फ ध्यान दिएका छौं । त्यस्तै, भजनीमा रहेको प्राथमिक स्वास्थ्य केन्द्रलाई २५ शैयाको अस्पताल बनाउने योजना छ ।
भजनीमै पर्ने बसन्ता जैविकमार्गका कारण निर्माणाधीन हुलाकी सडक निर्माण कार्य रोकिएको छ । के गर्दे हुनुहुन्छ ?
भजनी नगरपालिकामा दुई किलो मिटर बसन्ता वन भएका कारण हुलाकी सडक निर्माण कार्य अगाडि बढेको छैन । हसुलियादेखि धनगढीसम्म र टीकापुरदेखि भजनीसम्मको हुलाकी सडक खण्ड कालोपत्रे भइसकेको छ । हामी केन्द्र र प्रदेश सरकारलाई यो समस्याको छिटो समाधान गर्न निरन्तर दबाव दिइरहेका छौ ।
चुनावताका जनता समक्ष प्रस्तुत गरेका प्रतिवद्धता पुरा गर्न के गर्दै हुनुहुन्छ ?
हामीले चुनावताका जनता समक्ष प्रस्तुत गरेका प्रतिवद्धता मध्ये अहिलेसम्म ५० प्रतिशत पुरा गरिसकेका छौ । म सन्तुष्ट छु । जनताका गुनासा पनि धेरै छैनन् । तर केही महत्वपूर्ण कार्य अझै पूरा गर्न बाँकी छन् । हामीले भजनीमै नागरिकता प्रमाणपत्र दिने काम पुरा गर्न सकेका छैनौ । त्यस्तै, सुकुम्वासी समस्या, प्रतिऐलानी जग्गाको लालपुर्जा दिने काम पुरा गर्न सकेका छैनौ. । यी सवाल केन्द्र र प्रदेश सरकारसंग बाझिएकाले पनि समाधान गर्न सकेका छैनौ ।

प्रतिक्रिया दिनुहोस्
विशेष समाचार